روبي تكشف عمرها الحقيقي وتتحدث عن سر القطيعة مع أهلها
كشفت روبي خلال لقائها مع منى الشاذلي تفاصيل عن حياتها الخاصة لأول مرة، وأعلنت عمرها الحقيقي قائلة إنها تبلغ الـ40 عاماً، كما تحدثت عن السر وراء تغيير مسارها الفني، كما كشفت عن اسمها الحقيقي.
روبي تكشف سبب مقاطعة أهلها لها
أوضحت روبي خلال لقائها مع الإعلامية منى الشاذلي في برنامج معكم، أن الفن تسبب في خسارتها لعائلتها في البداية، قائلة إنها خسرت من تحبهم لعدم تمكنهم من تحمل ردود فعل المجتمع والجمهور على أعمالها الغنائية في بداية مشوارها الفني، وهو ما دفعها لتغيير مسارها.
وأوضحت روبي أن لها 7 خالات إلى جانب والدتها قاطعوها بسبب ما كانت تقدمه في بداية مشوارها الفني، وهو ما دفعها لتغيير مسارها، وقالت: "قعدت مع نفسي وعملت وقفة وقلت هعيد صياغة الموضوع تماما ودخلت التمثيل وعملت أدوار منها سجن النسا، أنا مش ملخصة في رقصة .. أنا كيان وروح.. أنا حاجة تانية غير اللي الناس بتقوله عليا".
علاقة يوسف شاهين باسم روبي
وكشفت روبي خلال اللقاء عن اسمها الحقيقي وقالت: "في البيت أسرتي بتقولي رانيا مش روبي»، مضيفة: «في الشارع فاكرين إن اسمي رباب، وده مش حقيقي، لأن اسم روبي ماكنش متداول أوي في الشارع.. اسم روبي فني بحت وأنا اسمي الحقيقي رانيا، واستغربت الاسم ده في البداية
أما عن سر اختيار اسم روبي الذي اشتهرت به فنياً قالت الفنانة المصرية: "لما كنت بعمل فيلم سكوت هنصور مع المخرج يوسف شاهين، كان جو بيدلعني وبيحبني وقالي انتي اسمك هيبقى روبي، والحقيقة عجبني الاسم ده جدا، لأنه سهل النطق ومختلف".
روبي تكشف عن شقيقتها
وخلال لقائها كشفت روبي عن أن الفنانة ميرهان مجدي الشهيرة بكوكي هي أختها غير الشقيقة، وقالت روبي: "هإحنا مش أشقاء، بس كوكي أختي وصاحبتي، وماما شخصيتها قوية خليتنا نحب بعض، ونتمنى نموت في يوم واحد من كتر ما بنحب بعض"، موضحة انها تكبرها ب 6 سنوات.
ومن جانبها تحدثت كوكي عن مميزات شخصية روبي ومواهبها قائلة: "روبي كوميدية أوي في البيت عدا وهي صاحية من النوم، محدش بيجي جنبها، كارثة، وبتتكسف ووشها بيحمر لو حد قالها كلمة حلوة
كما تحدثت روبي خلال للقاء عن علاقتها بالمطبخ حيث قالت الفنانة الشهيرة: "حرقت الأكل والبيت مرة، بس مش لدرجة إني فاشلة، قررت أعمل بطاطس محمرة، وبعملها تحفة، وبحب الأكل على نار هادية أوي، فطبختها على 3 أيام، فنمت وسبت البطاطس على النار فبقت حريقة".
تفاصيل حريق منزل روبي
كما تطرقت الفنانة المصرية، روبي، للحديث عن تفاصيل حريق منزلها، وقالت: "من ستر ربنا كانت شبابيك الشقة مقفولة، لأن الشبابيك لو كانت مفتوحة والحريقة مولعة كانت زمانا ولعنا، النار اتكتمت بسبب الشبابيك المقفولة، وأول ما فتحنا الباب النار جريت ورانا، اتكسفت وأنا نازلة قدام الناس عشان كان وشي مليان هبو".
عائلة روبي
أما عن عائلتها فقالت روبي: "طموحى كان في الأول إنى اشتغل موظفة واتجوز، وأسرتنا كلها موظفين ودكاترة ومهندسين.. جدى كان صعيدى وموظف في وزارة الرى، وكان ليه ثأر المفروض يروح ياخده من الصعيد فكان نفسه يخلف ولد وربنا إداله سبع بنات سبحان الله، والسبع بنات كانوا بـ100 راجل، واتعلمت منهم إنى أكون مسئولة، وأنا بشوف خالاتى ووالدتى كلمة مسئولية قليلة عليهم، وماقدرش أعتمد على حد أنا اتربيت على كدة، ولا أقول لحد عايزة حاجة".