رامي عياش ينضم إلى شباب لبنان ويطالب بالتغير مع "طلعت ريحتكم"
- تاريخ النشر: الأربعاء، 02 سبتمبر 2015 | آخر تحديث: الإثنين، 07 فبراير 2022
- مقالات ذات صلة
- طلعت ريحتكم تجمع هيفاء وهبي شيريهان وخالد النبوي..
- جمهور رامي عياش يطالب بمقاطعة برنامج آراب آيدول
- البوب ستار رامي عياش بعيد الحب من الأردن إلى لبنان
بعد أن عبر النجم البناني رامي عياش عن دعمه لحملة "طلعت ريحتكم" وللتحركات الشبابية المتلاحقة في لبنان، اعتذر من متابعي صفحته الخاصة على موقع التواصل الاجتماعي فيس بوك إذ كتب جملة لا علاقة لها بالفن عبّر من خلالها عن نظرته لما يحدث قائلاً:
"عفوا بعرف هيدي صفحة فنية... ولكن.
صباح الخير. بعد خبرة اكتسبناها من وجع أهالينا ومن الاتفاق الدولي على دعس لبنان حتى ما يرجع ينهض ولا بأي طريقة لأنو سياحتو بتأثر على غيرو، وبما إنو هوي شوكة كبيرة بخاصرة البعض اللي (بيمثل إنو هوي صديق للبنان وخايف عليه) فبيدفع شوية فلوس بيوهم فيه الرأي العام وشوية سياسيين.. فاذا نهض لبنان غيرو بيقعد بلا شغل !! هيدا تقديري باللي رح يصير.. رح يتصل كبار الزعماء بالباقيين ويقلن:
" يا ...... بلشوا هول الصيصان الصغار (المواطنين) يطلع صوتن، والشارع بلش يكبر، وبلشوا يشيلوا الكراسي من تحتنا. ولووو ما نحنا دافنينوا سوا... تعوا نعمل حالنا إنو تضامنا. وكل واحد فيكن يتنازل شوي. منتفق على رئيس بسرعة نسكت فيه الناس كيف ما كان، وهيك منرجع منضحك علين من أول وجديد ومنعيش حياة حلوة بلا ما نحس بالذباب (المواطنين) اللي حوالينا.. بعد ناقص كم صوص ينكد على ثرواتنا وكراسينا وراحة بالنا... ف شوا اتفقنا يا حلوين ؟؟؟ ...اتفقنا ريس"
وتابع رامي:" لبنان تعب كتير. وشعبه تعب أكتر اذا ملاحظين إنو الجيل اللي عم يثور هم شباب يافع بطاقة كبيرة لأن اللي قبلهم تعبوا ما عندن طاقة ولا نفس... إن شاء الله نقدر نعمل تغيير ......هيدا... آخر.. أمل.. للبنان...(التنظيف ببلش من الغميق)".