رامز جلال يسخر من محمد سامي: صاحب المشاكل والأنا المتضخمة
وقع المخرج المصري محمد سامي، ضحية لبرنامج رامز إيلون مصر في حلقة اليوم، واستقبله رامز جلال بوصلة سخرية من إطلالته وملامحه. كما تطرق لخلافاته مع النجوم.
فيديو ذات صلة
This browser does not support the video element.
محمد سامي مع رامز إيلون مصر
وفي استقبال محمد سامي قال رامز جلال: "الليلة ليلته هتبقى هباب هيشوف أقصى أنواع العذاب، هبهدله، معاكم اللي مش بعيد يكتب اللي حصل له النهاردة في عمل درامي، إيه الجزمة دي جزمة شارلي شابلن؟ إيه اللي أنت لابسه؟ مي شافتك وأنت لابس اللبس ده.. بنطلون عبدالفتاح القصري، إيه كمية الذهب دي؟.. بالنسبة لشعرك ده إيه".
وأضاف رامز جلال: "اللي هاخدوا ع الحامي اللي هيشوف مقلب دامي اللي مش بعيد يكتب اللي حصله النهاردة في عمل درامي المخرج محمد سامي.. مخرجنا مشاكله كتير، والانا عنده عندها تضخم، وقولنا عليه نرخم.. ليلته هباب، وهايشوف العذاب، بأقصى أنواع العقاب".
رامز جلال ينهي خلاف محمد سامي وغادة عبدالرازق
وخلال المقلب سأل رامز جلال محمد سامي إذا كان لديه عمل مهم هل سيعطيه لياسمين صبري، نسرين أمين، أم غادة عبدالرازق، ليختار الأخيرة معبراً عن حبه لها، وهو ما يتفاعل معه رامز جلال قائلاً: "خلاص يا غدغود الراجل مسامح وقلبه أبيض أنت إيه قلبك أسود؟".
لم تخل حلقة واحدة من وصلات التنمر التي استقبل بها رامز جلال ضيوف برنامجه، فعند استقباله لريم مصطفى، قال رامز جلال: "ملاحظ إن التوب قامط وضيق أوي، إنت لابساه ولا لازقاه ده؟.. وزن ريم اللي ظاهرة بيه ده استحالة يكون ريجيم.. أهلا وسهلاً بفاتنة سن اليأس ذات الجمال النرويجي هنعرف النهاردة دي الحقن الجديدة ولا عملية تكميم.. ضيفتي النهاردة يا ما طلع عليها حاجات، زي مثلا خرابة بيوت وبتخطف الرجالة من الستات.. مزة النهاردة تستحق لقب نجمة الإشاعات عن جدارة".
كما وصفها بأنها "فاتنة سن اليأس" معبراً عن فضوله لمعرفة سر رشاقتها ومشككاً في أن الأمر لم يقتصر فقط عند مجرد الرجيم والرياضة، وإنها ربما خضعت للتكميم".
أما في حلقة حسام حبيب، فلم يقتصر الأمر فقط عند مجرد التنمر على إطلالته وملامحه، وإنما طال حياته الشخصية وعلاقته بشيرين عبدالوهاب، حيث استقبله قائلاً: "صاحب أكبر قصة حب توكسيك في تاريخ الوسط الفني، الموضوع بينه وبين شيرين اشتعل لدرجة إن الواد علشانها طلع أتبرأ من أبوه.. النهاردة أنا هقنعه يرجع اللي سرقه،.. حخليه يركز في الأغاني والألبومات إيه القميص عامل كده ليه سيب الاستايل ده لنجم الجيل".
وأضاف ساخراً: "ضيفي النهاردة هو المطرب اللي سبب في زعل كل الناس منه، حسام حبيب.. الباشا زعيم شبكة التقليب الدولي".
وفي حلقات أحمد العوضي، أحمد فهمي، صدم رامز جلال الجمهور بحديثه عن التفاصيل في علاقة فهمي والعوضي بهنا الزاهد وياسمين عبدالعزيز. إلا أن حديثه عن علاقة أحمد العوضي وياسمين عبد العزيز، تسبب في موجة غضب من الأول؛ نظراً لاعتبار الجمهور أن مثل هذه الأمور كان لا يجب التحدث عنها بشكل ساخر، مستنكرين قبول العوضي بالأمر لمجرد المشاركة في البرنامج.
ضحايا برنامج رامز إيلون مصر
ومن بين ضحايا برنامج رامز إيلون مصر، كانت الفنانة المصرية زينة والتي استقبلها رامز بموجة تنمر وسخرية، وسخر من إطلالتها ووصفها بأنها بدلة عبدالعال.
برنامج رامز جلال، رامز إيلون مصر، تعتمد فكرته هذا العام على خداع الضيف بعد إقناعه بالمشاركة في برنامج لاكتشاف المواهب، وذلك قبل أن يتحول الأمر لمقلب ضدهم. ويستعين رامز جلال بالنجمة نوال الزغبي هذا العام لتدبير المقلب وسط اندهاش الجمهور من قبولها بالمشاركة.
شاهدي أيضاً: قائمة ضحايا برنامج رامز إيلون مصر في رمضان 2025