حقائق صادمة عن شخصيات صابر الرباعي، كاظم الساهر وعاصي الحلاني.. ستجعلك حذرة حين الارتباط بهذه النماذج
- تاريخ النشر: الثلاثاء، 29 ديسمبر 2015 | آخر تحديث: الأحد، 06 فبراير 2022
عندما تفكري في الارتباط يبدأ البحث عن نموذج الرجل الذي ترغبين في رهن حياتك به، ثلاث نماذج عرضتهم الكاتبة الروائية شيرين سامي، هذه النماذج تمثلت في مدربين برنامج The Voice، عاصي الحلاني، كاظم الساهر وصابر الرباعي.
شاهدي أيضاً: مفاجأة كاظم الساهر لجمهوره وهكذا نقلهم إلى عالم آخر
شيرين سامي قامت بتحليل بديع للشخصيات الثلاثة، نسعترض معكم هذا التحليل من خلال التدوينة التي كتبتها عبر حسابها الشخصي على موقع التواصل الاجتماعي:
هتقابلي في حياتك الـ3 نماذج دول من الرجالة، نموذج بيشبه عاصي الحلاني: الراجل المشاغب الواثق اللي مبيأثرش في حبه للحياة أي شئ، الراجل ده بيغوي بشكل فاضح، أي بنت بتحب تحس إنها جميلة هتنجذب ليه لأنه عارف من أين تؤكل الكتف، لكن مشكلته بسيطة جدًا، إنه "نسوانجي" بالمعنى الدارج، يعني كل الكلام الحلو والمجاملات المميزة هتكون من نصيب الكُل، وبتطور العلاقة، دايمًا هتكون في الأجمل ودايمًا هتكوني تعيسة لو حبيبته ومش مستريحة لو بتتعاملي معاه كصديق أو زميل مثلًا.
شاهدي أيضاً: صابر الرباعي يلوم شيرين عبد الوهاب والأخيرة تعلن عن غضبها
النموذج الثاني بيشبه كاظم الساهر: الراجل الغامض بسلمته الراجل اللي بيعرف يخطف بدون أدنى مجهود..الفنان اللي دايمًا مليان شجن..الراجل اللي كل لفتاته فاتنة..الإبن اللي محتاج حنان وصبر..الأب اللي بيحتوي والصديق اللي بدرجة حبيب، النوع ده ممكن تديه عمرك وتدوسي على كرامتك عادي جدا وانتي متصوره انه بيحبك وأنه أسطورة، لكن هو في الحقيقة مبيحبش غير..فنّه..نفسه..وحدته..الحب عنده زي الأغاني..جميلة لكن بتخلص وتيجي أغنية غيرها بحالة تانية، في النهاية هو بيقدس حزنه وحياته ومش ممكن يكون له إنتماء غير لنفسه وإستقلاله.
النموذج الثالث بيشبه صابر الرباعي: الراجل البرنس في ذاته الغير مهتم غير بالأشياء المهمة فعلًا، الراجل اللي مبيقومش من مكانه لحد، مبيجاملش غير بحدود، مبيتهزش غير للحاجات الحقيقية، الراجل اللي مبيتكلمش كتير، دايما على وشه ابتسامة ساخرة وساعات ممتنة وكتير طيبة، الراجل اللي عمر ما كان هدفه إصطياد أنثى لا بالمُحن ولا بالعقل ولا بأي طريقة، الراجل ده لما بيحب بيكون مخلص لأبعد الحدود ولما بيكون صديق بيعرفك انت فين وأخطاءك ايه ولما بتتعامل معاه مبتحسش بأي عائق نفسي، الراجل ده مش جذاب زي النموذجين التانيين لكن طاقته في الحُب والإستمرار أكبر.
شاهدي المزيد:
فيديو لفظ خارج من شيرين عبد الوهاب وصابر الرباعي في The Voice
شيرين عبد الوهاب تشعر بالإستياء من غزل عاصي الحلاني بإيميه الصياح.. فماذا قالت؟