حسني شتا يرد على تحذير رانيا محمود ياسين له بعد تشبيهه بوالدها
حرص الفنان حسني شتا على الرد على تحذير الفنانة رانيا محمود ياسين له، بعد تشبيهه بوالدها النجم محمود ياسين بفضل الملامح المتقاربة.
حسني شتا يرد على رانيا محمود ياسين
نشر حسني شتا شبيه محمود ياسين منشوراً يرد به على تحذير رانيا محمود ياسين، الذي سبق وأن وجهته إليه هو والفنان أحمد حسنين الذي أطلق عليه شبيه عمر الشريف.
وأبدى حسني شتا استغرابه من تحذير رانيا محمود ياسين له، مشيراً إلى أن الجمهور هو من أطلق عليه شبيه محمود ياسين نظراً لتشابه الملامح، والحقبة الزمنية التي يقدمها في مسلسل ليالينا 80 والتي جعلت إطلالته نسخة عن النجم الكبير.
وكتب حسني شتا في منشوره قائلاً: "مش عارف فعلا هي بتحذرني ليه ومن ايه!!! ولو علي التحذير يبقي توجهيه للجمهور اللي قال كده مش انا ...ثانيا احترامي وتبجيلي للفنان الكبير محمود ياسين بتاريخه الفني الكبير مفيش اي مقارنه لأن الأساتذة الكبار أمثال محمود عبد العزيز واحمد ذكي وعادل امام ونور الشريف وغيرهم من نجومنا الكبار لأيمكن ان فيه ممثل أيًا كانت موهبته انه يقارن نفسه بيهم لانهم صنعوا تاريخهم الفني بالفعل ..ثالثًا انا مبقلدش حد اللي شاف دوري في ايوب أو الاب الروحي او ابو جبل او طلقه حظ أو فيلم اشتباك او طلق صناعي او غيرها من الأعمال هيلاحظ إني بحاول ان كل شخصيه تكون مختلفه عن التانيه في الملامح الداخلية والإطار النفسي والشكل والإطار المادي من ملابس وطبقه صوت وغيره ..في ايوب زي مابيقولوا كنت شبح وفي الاب الروحي هادي وانفعالاته داخليه".
وأضاف حسني شتا في منشوره: "و مش انا اللي يقول كده ديه الناس اللي بتقيم وتحب وهفضل اجرب في كل شخصيه بعملها لآخر عمري لأن ديه متعه التمثيل إني احاول اخلق شخصيه من لحم ودم وكل مره تكون مختلفه والتوفيق بالنجاح من عند ربنا ولو لما تصيب فعملت اللي عليًا إني مش بستسهل واعمل كل الحاجات شبه بعضها ..فصادف ان الدور في مسلسل ليالينا في حقبه زمنيه قديمه واللبس وغيرها من تفاصيل العصر تتماس مع طبيعه وشكل استاذنا محمود يس .وفيه شبه في الملامح خصوصا مع تسريحه الشعر والسوالف واللبس طب ايه المشكله بقي مش فاهم يااستاذه رانيا ولكي مني كل التقدير".
رانيا محمود ياسين تحذر شبيه والدها وعمر الشريف
وكانت رانيا محمود ياسين خرجت بمنشور عبر حسابها على الفيس بوك، قالت فيه: " عايزة اقول حاجة للممثلين أحمد حسنين فى "البرنس" بيقولوا شبه عمر الشريف وحسنى شتا بيقولوا شبه محمود ياسين طلع فى مسلسل ليالينا والنبى بطلوا تقولوا عليهم كده متخليهمش يعتمدوا على كده سيبهم يكونوا نفسهم".
وأضافت رانيا محمود ياسين: " كاية الشبه دى بتجيب نتيجة عكسية على فكرة حتى مع أبناء الفنانين اللى هما مضطرين يبقو شبه آبائهم بحكم الجينات سيبوهم يبقوا نفسهم".