حسام حبيب يهدد شيرين مجدداً: سأكشف المستور إذا لم تتحدث

مقالات ذات صلة

حسام حبيب يرد على شيرين بعد استغاثتها منه ويهددها بالحبس

حسام حبيب يهدد بالاعتزال بسبب هذا الأمر الذي يطارده منذ زواجه من شيرين

حسام حبيب يُهدد بعد تسريب تسجيل صوتي يهاجم فيه عائلة شيرين

يستكمل حسام حبيب رحلته في فضح أسرار النجمة شيرين عبدالوهاب، وهددها إذا لم تتحدث هي عن تفاصيل الوقائع التي كشفت عنها، بأنه سيكشف المستور عن الكثير من الأسرار.

وكشف حسام حبيب، في الجزء الثاني من لقائه مع برنامج العرافة، عن دوره في تطور حياة شيرين عبدالوهاب الفنية، معتبراً أن له الفضل في رفع أجرها في الحفلات.

حسام حبيب يرفض وصف شيرين بصوت مصر

وعن لقب صوت مصر، رفض حسام حبيب منح شيرين اللقب كما تحدث عن دوره في رفع أجرها قائلاً: "حفلة شيرين عبد الوهاب كانت بكام، وبقت بكام لما أنا دخلت حياتها؟ وانا ساعتها مكنتش بشتغل حفلات، أنا معملتش حفلة ولا أغنية، عشان أنا أديت اللي أدامي كل حاجة، شيرين كانت هي قضيتي وهي طموحي كله، وجت لي في وقت كانت متكسرة فيه، وطلبت هي أننا نتجوز، هو أنا كنت بحب شيرين يا جماعة!".

واستكمل الحديث عن دوره في تطور حياة شيرين الفنية قائلاً: "كان أجرها كم قبل 2018، وبعدها بقى أجرها كم؟ وكان عندها ألبومات ملكها ولا لأ، أنا كان لي دور ولو هي عايزة تنكره براحتها تنكره، لكن ميصحش أفهم الناس إن جوزي كان منعني!، تقول للناس إيه اللي تخنها؟ أنا مقدرش أقول، اقسم بالله لو مطلعتش تقول واقعة واقعة عن كل للي اتهمتني فيهم وبإثباتاتها، هحكي الحكاية بتفاصيلها بشهودها بإثباتاتها بمحاضرها بكل حاجة".

وعن اعتبار شيرين عبدالوهاب صوت مصر قال حسام حبيب: "ولو دي صوت مصر وبالسلوك ده، هغير جنسيتي بكرة.. الفضل لله أولًا وأخيرًا، لكن أنا كنت جزء من نجاحها وعودتها للساحة بقوة، حفلات شيرين زادت، وأجرها زاد، وده مش كلامي، كل اللي بتكلم فيه بالأرقام والإثباتات، وأنا مش بندم على اللي عملته، بس اللي بيحصل ده مش عدل". 

حسام حبيب: شيرين هي من عرضت عليا الزواج!

وقال حسام حبيب إن شيرين عبدالوهاب هي التي طلبت منه الزواج، في وقت لم يكن يفكر فيه في هذا الأمر نهائياً. وتحدث عن تضحياته من أجلها قائلاً: "أنا عملت مع شيرين اللي مش بعمله لنفسي، لدرجة أني كنت ممكن أحيي أفراح للناس، وأدفع فلوس من جيبي عشان أساعدها".

واعتبر نفسه مريضاً بها قائلاً: "هي قالت إنها مش هتخليني أعرف أمشي في الشارع، لكن أنا مريض بيها، لحد دلوقتي مش قادر أبعد، ومش بحب الانفصال، ومرتبط بكل ذكرى ومشاعر وحتى كل خناقة بينا".

أول رد من حسام حبيب على خيانته لشيرين عبدالوهاب

ونفى حسام حبيب كل الاتهامات التي وجهتها له شيرين، ومن بينها اتهامه بالخيانة، وقال طليق الفنانة المصرية: "كل اللي شيرين عبدالوهاب اتهمتني بيه والتهم الي قالتها في حقي كلها كذب، هي بتقول أنا خنتها، تمام.. أنا بتحداها تقول، أنا خنتها مع مين وإزاي وفين وإمتى، عشان أشهد الشخص دا، وكمان هي بتقول إني سرقت منها 50 ألف دولار والخواتم بتاعتها".

كما كشف عن دوره في قيامها بحلق شعرها، نافياً أن يكون له علاقة بالأمر، وأوضح التفاصيل قائلاً: "هي اللي قررت تحلق شعرها، حصلت مشادة بينا، وسبتها ونمت، صحيت بعدها ملقتهاش في البيت، واختفت كام يوم، سألت عليها كل اللي أعرفهم، وكل ما أسأل حد عن مكانها، يديني إجابة مختلفة".

رد حسام حبيب على اتهامه بالسرقة

ورد حسام حبيب على اتهامات شيرين عبدالوهاب له بسرقة أموالها وسيارتها قائلاً: "هي بتقول إن الفلوس أنا سرقتها، طيب الفلوس دي اتسحبت من أي بنك، كلامها كله ملهوش أي دليل، وتحريات المباحث أثبتت عدم صحة الواقعة، أما في موضوع  العربية المرسيدس اللي اتهمتني بسرقتها، العربية دي هي جابتهالي، وقالت لي أنا اشتريتها لك هدية، قولتلها أنا مش عايزها".