تامر حسني يستجيب للنداء ويفاجئ طفل مريض بالذهاب إلى منزله
- تاريخ النشر: الجمعة، 04 فبراير 2022
- مقالات ذات صلة
- تامر حسني يستجيب لطلب متابعة تمنت حضوره لحفل زفافها
- تامر حسني يستجيب لطلب جمهوره بالإسكندرية ويرد برسالة ملهمة
- تامر حسني ينتظر طفله الأول
كعادته يلبي نداء أي شخص يحتاج إليه بسرعة البرق، وهذا الذي فعله النجم تامر حسني ، منذ ساعات قليلة مع الطفل مصطفى شاهين.
تامر حسني يدعم الطفل شاهين
الطفل شاهين يعاني من شلل بجهازه الهضمي حيث زاره تامر حسني في منزله، وحرصت والدته مصطفى، على توجيه الشكر لحسني من خلال منشور نشرته عبر وسائل التواصل الاجتماعي، وكتبت به،: "أول ما حالة مصطفى وصلت للفنان تامر حسني، لقيناه بعدها بساعة جاي من آخر الدنيا جري من منطقة الشيخ زايد للتجمع الخامس عشان يطمن على مصطفى وبالصدفة مصطفى أصلا بيحب تامر حب مش عادي و بيتفرج على أفلامه هو بس لدرجة لما شافه مصدقش وافتكر أن دا واحد شبه تامر". وأضافت،:" ابني عنده شلل في الجهاز الهضمي كله مفيش أمعاء ولا معده ولا بنكرياس ولما بيتوجع مينفعش ياخد مسكن أو أي دوا يعني ألم طول الحياة ومفيش صحة نهائي ودا مآثر على إدراكه، نفسي ابني يرجع زي صورته اللي في أول الڤيديو قبل المرض أدعو له أرجوكم وناشدوا معايا كل الجهات المسؤولة في دولتنا العظيمة أنقذوا مصطفى الموضوع مش سهل و مش أي حد يقدر يعمله لصعوبة الخطوات والتكاليف اللي بتجاوز ٣٦ مليون جنيه الموضوع أكبر من الأشخاص عشان كدا أتمنى صوتي يوصل لكل الجهات المعنية الفاضلة وشكراً لكل اللي حاولوا يساعدونني".
واختتمت حديثها بـ:" شكراً يا تامر على سرعة استجابتك وعلى كل اللي قولته واللي عملته امبارح واللي لسه بتحاول تعمله عشان طفل أنت متعرفهوش ربنا يراضيك يا ابني وينصرك ويسترك دنيا وآخره".
مواقف تامر حسني الإنسانية
وتصدر تحقيق تامر حسني لحلم الفتاة الكفيفة للقائها والغناء معها، مواقع التواصل الاجتماعي، على مدار الساعات الماضية، وهي ليست المرة الأولى التي يقوم بهذه الخطوة مع جمهوره، فسبق أن حقق حلم إحدى معجباته، المريضة بالسرطان، وتدعى “ندى”، في شهر يونيو الماضي.
ومن قبل استجاب الفنان تامر حسني لطلب إحدي معجباته التي طلبت منه حضور حفل زفافها المقرر إقامته قريباً.
ومن خلال خاصية الستوري بموقع التواصل الاجتماعي "إنستجرام" نشر حسني رسالة الفتاة.
والتي كتبت فيها: "نفسي تحضر فرحي يا تيمو، حلم حياتي، أنا بعشقك من زمان، وده بجد حلم حياتي، أنت مش عارف أنا بجد بحبك ازاي، يارب تشوف الكومنت"
وعلق نجم الجيل على الرسالة قائلاً: "حلم حياتك أحضر فرحك، طب أنا شوفت تعليقك وموافق أحضر فرحك ويشرفني كمان".
وتابع:" ابعتيلي كل بيانات فرحك بعد إذن حضرتك يا عروسة وسلامي للعريس باشا".