بدرية طلبة تثير الجدل بوفاة شقيقها الحي: هذه القصة كاملة
أثارت الفنانة المصرية، بدرية طلبة، الكثير من الجدل خلال الساعات الماضية، واعتلى اسمها الكلمات الأثر انتشارًا على محركات البحث، بعد ادعائها وفاة شقيقها، الذي خرج ليؤكد أنه حي.. فما القصة؟
البداية الحقيقة للأزمة التي أثارتها بدرية طلبة، جاءت عندما نشرت صورة لها برفقة ابنه شقيقها ووصفت الأخير بـ "المرحوم" قبل أن تقوم بتعديل المنشور ثم حذفه.
وقالت طلبة: "كبرتي يا قلب عمتو بنت أخويا رحمة الله عليه وكتب كتابها النهاردة ربنا يخليلك أعمامك وخلانك الرجالة المحترمين سندك وظهرك ويرحم أبوكي برحمته الواسعة أدعو لمريم ربنا يتمم لها فرحتها وأشوفها أسعد البنات في بيتها الزفاف ٩/٤ عقبال عندكم".
ليتفاجئ الجميع بأن "المرحوم" وليد طلبة ليس ميتا كما ادعت بدرية، وأن هناك خلافات عائلية دفعته لعدم حضور عقد قران ابنته الوحيدة، ولهذا وصفته بدرية بالميت.
بعدما تبين أن شقيق بدرية طلبة لا يزال على قيد الحياة، ولم يحضر كتب كتاب ابنته الوحيدة لخلافات عائلية، وتوعد شقيق بدرية بمفاجآت خطيرة، ردا على ادعاء وفاته، بينما حذرته بدرية من "كشف المستور".
شقيق بدرية طلبة يفتح النار عليها:
لم تمر لحظات، حتى فوجئ الجميع، بأن شقيقها ما زال قيد الحياة بل ويرد عليها فى منشور آخر بعد منشوراتها بلحظات على "فيس بوك"، قال فيه: "يا جماعة الفنانة بدرية اللى كانت المفروض أختى، منزلة نعى عنى أنى توفيت والمفروض اللى في النص دى كانت بنتى، وعشان رفضت أروح كتب كتابها النهاردة طلعوا عليا شائعة الموت، بجد حسبى الله ونعم الوكيل فيكم، انتوا كلكم ميتين بالنسبالى من سنتين لما سبتوا البيت ونزلتوا الساعة 2 بالليل".
وأضاف شقيق بدرية ويدعى وليد: "جايين دلوقتى تحتاجولى فى كتب الكتاب، أنا يا جماعة ماليش عيال، وعيال مين اللى يعلقوا على شائعة على أبوهم إنه مات والله يرحمه وأنا على وش الدنيا، عيال مين اللى أروحلهم تانى، أنا خلاص ماليش ولا عيال ولا أهل وأخوات".
وتابع وليد طلبة: "وانتى يا فنانة بدرية ميته بالنسبالى من زمان، وإن شاء الله اللى قولتيه عليا بالكدب هيتقال على جوزك يوم فرح بنتك بالصدق إن شاء الله، وانتظروا منى أحلى مفاجآت ليكم ياللى المفروض كلكم اخواتى ومن بطن واحدة، انتظروا منى أحلى مفاجآت للكل وانتوا اللى بدأتوا الحرب معايا، بالله عليكم يا جماعة أنا عاوز البوست ده يتشير كتير عشان أثبت كذب الفنانة وأنا هطلع لايف بصوتى عشان تتأكدوا انى مش بكدب وهطلع معايا مفاجآت هتعجبكم أوى".
بدرية طلبة ترد على هجوم شقيقها:
بعد ساعات من منشور وليد طلبة، عدلت الفنانة بدرية البوست المثير للجدل، وحذفت جملة وفاة شقيقها، ليصبح كالتالى: "كبرتى يا قلب عمتو وكتب كتابها النهاردة، ربنا يخليلك أعمامك وخلانك الرجالة المحترمين سندك وضهرك، أدعو لمريم ربنا يتمم لها فرحتها وأشوفها أسعد البنات فى بيتها، الزفاف 4-9 وعقبال عندكم".
وبعد هاتين المنشورين، انتقد بعض المعلقين على السوشيال ميديا تصرفات الفنانة بدرية طلبة، واتهامها باختلاق واقعة وفاة شقيقها للحصول على المزيد من التعليقات والإعجاب ولفت النظر إليها، لترد عليهم فى منشور اليوم، على حسابها عبر فيس بوك أيضا، قائلة: "الخبر اللى بينزل عن الفنان حتى لو ضده فا سبحان الله بردو بيكون لصالحه، وخصوصا لما يكون سمعته طيبة ومحبوب، فا مش كل اللى بيستعين بالصحافة فى تشويه فنان بينجح لأن الفنان لو رد وحكى حيتصدق، وخصوصا لما تكون الحكايات مشوقة وبالدليل وكلها بلاوى وفيها ست سيئة السمعة وفيها فتح أدراج وفيها مهازل، خلى الطابق مستور ومتفرحوش بالحكاوى، ربنا ستركم بلاش تخلو الرد يفضحكم وربنا يهدى".
ثم قالت فى منشور أخر، لكن لم يمض دقائق حتى حذفته من حسابها نهائيا، قالت فيه: "مفيش خلاف بينى وبين أبو نور أخويا حبيبى، إحنا إخوات ولو مش مصدقين ممكن نعمل DNA، يا جماعة، اهدوا شوية.. اخوات اهدوا".