الفنانة هديل خير الله "بلية" تكشف معلومات لم تُعرف من قبل عن فيلم "العفاريت" بعد 25 سنة

مقالات ذات صلة: مؤلفة فيلم العفاريت تكشف حقيقة وجود جزء ثان له; 17 معلومة قد لا تعرفونها عن الفنانة سلافة معمار; صور 25 معلومة لا تعرفونها عن البرنسيسة مي عز الدين

نشرت الفنانة الشابة هديل خير الله التي يعرفها الجمهور بأشهر أدوارها كطفلة من فيلم "العفاريت" باسم "بلية" تدوينة على صفحتها على فيس بوك كشفت فيها أسرار لم تعرف من قبل عن كواليس الفيلم.

شاهدي أيضاً: شاهدوا صور أطفال أبطال الأفلام والمسلسلات بعد أن أصبحوا شباب.. لن تصدقوا كم تغيروا

"بلية" التي شاركت الهضبة عمرو دياب والنجمة الراحلة مديحة كامل فيلم "العفاريت" عام 1990 قالت في التدوينة:

للناس الي لسة مهتمة وبتسألني دايما, دول 9 معلومات عن فيلم العفاريت مش هاتعرفهم غير من بلية:
1- بيت عمرو دياب الي في الفيلم دا مش بيته ولا حاجة دا سويت في شيراتون الجزيرة.

2- الفيلم اتصور في حوالي 6 شهور ما عدا مشهد واحد و توقف التصوير تماما لمدة 7 شهور و بعدين اتصور المشهد، و دا كان مشهد ميال ميال في الاستاد
3- اول مشهد اتصور في الفيلم لبلية كان اول مشهد لبلية مع الكتعة الي كان اوله قلم علي وشيي
4- حفلة عمرو دياب في الفيلم كانت حفلة ليه بجد.

شاهدي أيضاً: صور "بلية" بطلة فيلم "العفاريت" في شبابها

5- مشهد الشحاتة (الي بدون حوار) كانت الكاميرا مستخبية في عمارة و كنت بشحت بجد و لميت فلوس!!
6- المشهد بتاع "سرقت الخواجة كنتاكي" اتصور الساعة 3 صباحا و لوزة نامت في التصوير و اضطريت احفظ كلامها في ساعتها و الحوار تم كلة بيني و بين سقراط (لاحظ نومها في المشهد)

7- انا ما كنتش في الشوال لما سقراط شاله
8- دور بلية كان لبنت عمرها 8 سنوات و كان علي وشك اختيارها بالفعل و المخرج حسام الدين مصطفي لما شافني كنت اقل من 6 سنوات و اخترني.
9- بمناسبة اني كنت 6 سنوات كنا بناكل في الاستراحة بين المشاهد و عمرو دياب قعد في الكرسي الي جمبي فا قلتلة "ماما لازم تقعد جنبي علشان تأكلني ".

الفنانة هديل خير الله "بلية" تكشف معلومات لم تُعرف من قبل عن فيلم "العفاريت" بعد 25 سنة

مواضيع ذات صلة