إيناس عز الدين تنشر صورتها على سرير المرض وتعاتب جمهورها بسبب وزنها

  • تاريخ النشر: الإثنين، 23 مايو 2016
مقالات ذات صلة
مي عز الدين تنشر صورتها بالشورت على انستغرام
مي عز الدين تنشر صورتها مع من خطف قلبها
إيناس عز الدين تكشف عن مرضها الأليم ومعاناتها منه بعيداً عن وطنها

نشرت المطربة إيناس عز الدين صورة وهي على سرير المرض على حسابها الشخصي على موقع التواصل الاجتماعي فيسبوك.

وكتبت إيناس تدوينة طويلة، عاتبت خلالها جمهورها، ورفضت حبهم لها بشروطهم التي وضعوها، وأكدت خلال تدوينتها أنها لم تفقد وزنها ولن تستطيع خسارة وزنها بشكل طبيعي بسبب مرضها التي تعاني منه.

فيديو ذات صلة

This browser does not support the video element.

حيث كتبت إيناس عز الدين "يا جماعة ولله أنا ما خسيتش ومش هينفع أخس طبيعي والتخن مش كله أكل ولا كله قلة حركة ورياضة وكفاياكم بقى تحكموا على الناس بمزاجكم فيه تخن مرضي ربنا يكفيكم شره مالوش علاقة لا بأكل ولا بحركة".

متابعة " أنا مش باكل تقريبا لأني عندي مشاكل في معدتي معيشاني تقريبا في المستشفيات زي ما انتوا شايفين في الصورة دي بقت حياتي اللي ماحدش يعرفها غيري أنا وأهلي وجوزي وبتخليني مش بعرف أكل أو أشرب زي الناس الطبيعيين وربنا يعلم أنا عايشة إزاي وأنا بتحرك كتير جدا وبعمل رياضة وبطلع وانزل سلالم وبمشي وبجري كتير يعني الموضوع مختلف".

وأضافت إيناس خلال تدوينتها "وأنا مبسوطة كده وبحب نفسي كده و صعب عليا أعمل عملية علشان أخس وأنا بخاف أصلا من العمليات والعملية مش سهلة ومش هعملها علشان أرضي الناس يوم ما هعملها هيبقى علشان أرضي نفسي خصوصاً إنكم لما عرفتوني وشجعتوني وحبيتوني ونجحتوني كنت كده تخينة وحبيتوني زي ما أنا وأنا رافضة إنكم تحبوني بس بشروطكم دي أنا واللي هيحبني هيحبني زي ما أنا".

وكشفت إيناس أن صورها الأخيرة لم تكن فقدت وزنها بل كانت بسبب إجادة المصور في اختيار زوايا الكاميرا لتظهر بهذا الشكل "أما عن صوري الأخيرة فدي شطارة المصور يوسف محي الدين اللي عرف ياخد زوايا ما تبينش وزني وبشكره جدا طبعا وبشكر كل الناس اللي بتحبني زي ما أنا وهتفضل تحبني سواء فضلت تخينة أو لو عملت العملية وخسيت في يوم من الأيام".

قد يعجبك أيضاً:

 

مواضيع ذات صلة