فريدة سيف النصر تصاب بورم مفاجئ في وجهها وتطلب الدعاء
فاجأت الفنانة فريدة سيف النصر متابعيها على الفيس بوك بإصابتها بورم مفاجئ في وجهها، طالبة من الجميع الدعاء لها.
فريدة سيف النصر نشرت صورة لنصف وجهها لكي تكشف الورم الغريب الذي ظهر دون سابق انذار، بسبب إصابتها بخراج في أسنانها، ورغم تناولها المسكنات إلا أنها مازالت تعاني من ألم شديد.
وعلقت فريدة سيف النصر على صورتها المنشورة قائلة: "ممكن تدعوا لي من قلبكم بجد اول مره ابكي زي الاطفال انا اصلا باتحمل لكن مش قادره، ده مش ماكياج ده وشي بدون سابق انذار صحيت باصوت نص الليل ودي رابع مره يحصل لي حاجه غريبه في وشي واكون باشتغل يعني مش وقته استغفر الله احسن من غيرنا".
وأضافت فريدة سيف النصر قائلة: "سامحني والنبي اللهم لااعتراض..عامله زي الكوره الكفر عينيه مقفوله وبؤي مدلدل حتي حواجبي وارمه يخرب بيت كده انا اديتكم نص الوش علشان حقيقي مش انا رعب والله تغيير سريع سبحان الله والحمدلله مش هزار تحت اسنان سليمه 4 خراريج ازاي مش عارفين عملنا بانوراما كامله والدكتور مستني الالتهاب يروح والورم بحقن الفنتيرن قويه واوجمنتين وبعدين يقرر في ايه؟".
وأضافت فريدة سيف النصر: "هو نفسه بيسأل في إيه؟هو انا اللي هاعرف يادكتوووووور..وطبعا الفليكتور منيمني علي روحي لأن الالم الحمدلله مايتحملوش الا حد مستسلم لارادة ربنا ويشكره..المشكله الشغل ومافيش وقت لاحول ولاقوة الابالله..لا زم يصوروا من غيري وانا وافقت هاعمل ايه!..؟؟ قدر الله وماشاء فعل حاضرحبيبي يا ربنا كل اللي تجيبه راضيه والحمدلله هو مابيجيبش حاجه وحشه ابدا قضا اخف من قضا لو هافدي الغاليين كلهم انا جاهزه..ادعوا لي..اسفه عالصوره بس انتم حبايبي وهاتتحملوا ده انا لسه منزله عالصفحه لايف بالنظاره الفراشه امبارح باين طلعت فراشه ملوثه…الآذان سلام بقي".