أيتن عامر تُعلق على تصريح عفاف شعيب: ايه التصريحات العجيبة دي
خرجت الفنانة أيتن عامر لتُعبر عن استيائها من تصريحات الفنانة عفاف شعيب التي أثارت جدلاً عبر مواقع التواصل الاجتماعي.
وكتبت أيتن عبر حسابها الرسمي بموقع التغريدات الشهيرة تويتر:"ايه التصريحات العجيبة دى بس !!! مين قال ان اللى يساعد مراته فى ظل طحنة الدنيا دى يبقى انصاف رجال ؟!!".
وتابعت أيتن:" الستات بيشتغلوا و ينضفوا و يطبخوا و يغسلوا و بليل مبيناموش ساعتين على بعض بسبب نوم الطفل المتقطع ولما الراجل يساعد نقول علية مش راجل !!!!! ايه دة بجد".
والجدير بالذكر أن الفنانة عفاف شعيب علقت قائلة أن هناك بعض الأزواج، خاصة المتزوجون حديثًا، يهتمون بالأعمال المنزلية بشكل كبير وربما يتولى طهي الطعام وغسل الصحون بنفسه.
وتابعت عفاف شعيب في تصريح إلى "اليوم السابع": "والبنات فين أهاليهم ما علمهومش بيتك ولازم تكوني نضيفة في بيتك وشكلك".
وأضافت:" في مثل بيقول في رجال وفي رج رج، الراجل اللي بيغسل المواعين ده يبقى رج رج أنصاف رجال يعني، والبنات متزعلش".
واستكملت شعيب:" البنات تحافظ على بيتها وجوزها، وكفاية جواز وطلاق، يمكن هو طيب، ساعديه واتعاوني معاه، أنا مش ضد إنه يغسل المواعين بس في نفس الوقت متخليهوش كراجل تتقل قيمته".
وتابعت شعيب في تعليقها الذي أثار الجدل: "الست ست والراجل راجل، الرجال قوامون على النساء بما أنفقوا، هو بينفق، ولو هي بتشتغل يفهموا بعض ويتعاونوا".
واستمرت قائلة:" في بنات بتطلق من تاني شهر ليه؟ حافظي على بيتك وخلفي عيل ولا عيلة، نسبة الطلاق عندنا بتزيد لأن مفيش توجيه صح".