أنابيلا هلال تقدم ماجدة الرومي بدبي وكلمات مميزة تجمعهما

مقالات ذات صلة

قبلة من ماجد المهندس إلى أنابيلا هلال في حفله بدبي

هل تقدم أنابيلا هلال ديو المشاهير؟!

ماجدة الرومي

بفستان أحمر وإطلالة رقيقة، تألقت ماجدة الرومي في حفلها الذي أحييته بالأمس في دبي والتي افتتحت من خلاله سلسلة حفلات على مدرج مدينة دبي للإعلام.

أنابيلا هلال تقدم ماجدة الرومي

واختارت هيئة دبي للسياحة الإعلامية أنابيلا هلال لتقديم السيدة ماجدة الرومي في حفلها على مدرج مدينة دبي الإعلامية.

وقالت أنابيلا هلال في كلماتها أثناء تقديم ماجدة الرومي:"مساء الخير دبي دانة الدنيا، ما بتنام، ولا القائمين عليها بيناموا، هاجس واحد عطول قدّامن: بكرا! وهالبكرا واعد بإذن الله، وكل شخص منا عم ينظرلو بإعجاب ويتمنّى شي واحد: إنو يكون جزء منو! هنيئاً لدبي التفرّد والريادة. وعيونّا وعيون كل العرب عالإمارات الي من زمان صارت مثال يحتذى بالتطور والأمان والتنوع والريادة. وعلى خطى المدينة الكبيرة، بتواكب مدينة دبي الإعلامية هالنشاط، بإنتعاشة فنية ضمن 3 حفلات على هالمدرج، من تنظيم جدول الفعاليات Dubai Calendar، Best Moments Events الرائدة بالترفيه والحفلات، و Hu Management الي أنا وكتار عنا ضعف عليها".

وأضافت أنابيلا:"ومين غيرها بيفتتح ليالي الفرح؟ نجمة كل السنوات، الي ما بتلحق تغيب عن دبي إلا وبترجع تطل؟! شوق الناس بيندهلها، المطارح بتشتقلها، وهيي كمان بتشتاق وحاضرة تلبّي نداء الحب بحب أكبر، وبصوت يحكي لغة القلب والعقل، ويحمل بقوتو وتفرّدو وحنّيتو السلام، الحرية، الحب، الصداقة، وغيرها من القيم الي بتتشاركها مع الإمارات، هيي الراجعة من حفل ختام مهرجان الموسيقى العربية بدار الأوبرا المصرية ، والمُنتظَرة على امتداد الوطن العربي، بدليل إنو الفن والصدق والقيم ما بيتسكّر بوجّن باب. الأمل بيكبر كلما صوتها يعلا ودقات القلوب بتتوحد مع إيقاع الاوركسترا وبيصير المشهد مدري حقيقة مدري خيال، للناس، للحب، لرفيق الدرب، ولقلوب البتدق جايي تغني، ونحنا جايين نسمع، الليلة رح ياخدنا صوت ماجدة الرومي الاستثنائي ععالم الحلم، وبالوقت ذاتو رح يوعّي الضمير ويسكن الوجدانـ فإلى سيدة غير كل السيدات، وصوت فوق الأصوات وكلمات ليست كالكلمات".

ماجدة الرومي تقدم أفضل الأغاني وتلقي كلمة مؤثرة

وأدت ماجدة في حفل دبي أبرز أغنياتها التي حفظها الجمهور، فغنت "كلمات"، "اسمع قلبي"، "أنت الملك قلبي" كما ذهبت إلى الطرب الأصيل بأغنية "انا كل ما قول التوبة"، وإلى جانب الأغنيات التي قدمتها على المسرح وتفاعل معها الجمهور، توجهت ماجدة بكلمةٍ للمغتربين اللبنانيين ورحبت فيها بداية بالحضور العربي، قالت فيها "بيسعدني وبشرفني وبيسعد مجموعة الموسيقيين اللبنانيين اللي معي اليوم انه نرحب باللإماراتيين والعرب الغاليين الموجودين بيناتنا اليوم وبشكل خاص برحب باللبنانيي الموجودين هون"، وتابعت "والله اشتقنالكن واشتاقتلكن بيروت، كنت بحب أحملكن أخبار طيبة أو عايدكن بعيد الاستقلال بس انتوا وأنا منعرف إنوا لبنان قراره محتل من العام 1975، 46 سنة ونحن من محتل للتاني لخاين للتالت، ما بتخلص قصصنا".

وأضافت بكلمتها متأثرةً "نحن عم نتعرض لأعنف عملية تجويع وتخويف وتهجير وقتل مجاني، معنوي ومادي وجسدي تعرضله الشعب 46 سنة وبعدنا صامدين".

و وسط تصفيق الجمهور، تابعت ماجدة الرومي كلمتها "رغم الخنقة العنيفة يلي تعرضنا لها كل هالسنين، ربيناكم وخرجناكم من أحسن مدارس لبنان وجامعاتها، ولاد بترفعوا الراس وبتفتحوا القلب"، وسألت "أنتوا متغربين؟ لا أنتوا بعدكم ضمن الوطن العربي الأكبر اللي نحن مننتمي إله وحاملين هويته، نحن ضمن الخليج العربي، يلي بتعنينا سيادته وحريته واستقلاله قد نور عينينا.. نحن بالإمارات وشو الامارات وشو نحن، صار فيها إلنا أهل وناس أكتر من ما في بلبنان"، ووصفت دبي بمدينة المستقبل، شو أحلى أنوا تكونوا بدبي تحوطوا ايديكم بإيدين الناس اللي عم تعلي وتعمر، تحوطوا ايديكم مع ناس كبار بتشجر الصحراء".

وتابعت "شو أشرف من انكم تساندوا شهداء الداخل اللبناني، أهلكم وناسكم، أنتوا السبب لنحن نزمط جوا.. أنتوا عساكر بالجيش اللبناني، عم تدافعوا بالثقافة والفنون الجميلة.. عن لبنان اللي ما منتنازل عن سيادته".

وأكدت أن التغيير قادم لأن الله مع الحق، ختمت "بضم صوتي لصوتكم لنتمنى للامارات بعيدها الوطني دوام التقدم والازدهار.. الأمن والأمان والاستقرار".

لقاء ماجدة الرومي وأنابيلا هلال

وكانت ماجدة الرومي وبعد إنتهاء الحفل التقت بالاإعلامية أنابيلا هلال ودار حديث بينهما بينهما، وسألت ماجدة أنابيلا ممازحةً "أنت طويلة أو أنا قصيرة"، كما تمنت أن يكون صوتها صوت كل لبناني.