أم خالد تتحدث عن زواجها مرة أخرى وتأثر أولادها بعد الانفصال
تحدثت دعاء جابر، البلوجر المصرية الشهيرة بأم خالد عن إمكانية زواجها مرة أخرى بعد الانفصال، وكشفت مشهورة تيك توك عن تأثر أولادها بانفصالها عن زوجها برسالة عبرت فيها عن عمق حبها لأولادها ومخططاتها لهم في المستقبل.
وكتبت متابعة لأم خالد رسالة تحدثت فيها عن تأثر الأطفال بالانفصال، لتعيد البلوجر الشهيرة نشر الرسالة، وترد عليها بكلمات مفاجئة كشفت فيها المزيد من التفاصيل التي فاجأت بها الجمهور.
تأثر أولاد أم خالد بانفصالها
وقالت أم خالد في مقطع الفيديو الذي نشرته عبر حسابها الشخصي على تطبيق سناب شات: "ساعات الانفصال يبقى في صالح جميع الأطراف انا لو نفسيتي مش مرتاحة، واضغط على نفسي ايه اللي انا هقدمه لولادي لو نفسيتي تعبانة ومش مرتاحة؟ انا مش عايزة أخسر نفسي لان عيالي محتاجيني. لو أكمل وأنا مضغوطة هكون زعلانة، ومش مبسوطة والتراكمات هتولد انفجار، أنا ماليش دلوقتي غير عيالي في الدنيا.. دي حاجة مهمة.. أتخطى دي لو أنا هروح أتجوز تاني".
شاهدي أيضاً: بلوغر تتصدر الترند بعد طلاقها: من هي أم خالد؟
وعن احتمالية زواجها مرة أخرى نفت أم خالد الأمر قائلة: "افتكروا ده كويس.. أنا هعيش لعيالي أنا مش عيلة صغيرة، ولا أستصغر نفسي.. أعيش سني طبعا، وأتبسط وأنزل أشوف صحابي، وأفوق لنفسي بس عايشة لعيالي، لكن فكرة إني أتجوز تاني دي استحالة.. أنا جربت حظي مرة وشكرا أوي لحد كدو.. والأهم نفسية عيالي.. نفسية عيالي أهم مني معنديش استعداد إن نفسية عيالي تتأثر، حتى لو واحد في المية.. أنا بعشق عيالي لو أطول أشيل عيني، وأحطهم جواها قسماً بالله أعمل كده".
حديث أم خالد عن احتمالية زواجها مرة أخرى:
This browser does not support the video element.
واستكملت حديثها عن أولادها قائلة: "أولادي دول نور عيني أنا واهبة حياتي ليهم أطلع راجلين سويين وأعلمهم كويس، وأربيهم كويس وبحاول قد ما أقدر أعمل معاهم اللي ماتعملش معايا.. فاقد الشيء يعطيه جدا.. أنا جاية وفاقدة أشياء كتير واللي ماتعملش معايا أنا بعمله مع ولادي.. خالد ابني عنده كمية حنان مش طبيعية، أنا اليومين اللي فاتوا ربنا يخليهولي أنا كنت تعبانة نفسيا وماكنتش قادرة أعمل حاجة هو كان بيساعدني، ويعمل لي ساندويتشات وغسل الأطباق من غير ما أقوله.. أنا حاطة أملي كله في ولادي.. شوية الطاقة اللي عندي مش عاوزة أضيعهم في أمور مالهاش لازمة.. ولادي عندي أهم من أي حاجة".
سبب انفصال أم خالد
وكانت أم خالد أثارت التساؤلات عن سبب انفصالها بعد أن أكدت على احترامها لزوجها، وتحدثت عن ذكرياتهم لتعود بعدها، وتنشر مقطع فيديو ترفض فيه باقة من الورود التي أهداها لها، وتتحدث في منشور آخر عن تحملها لكثير من الأمور التي فاقت احتمالها.
وردت أم خالد على اتهامها بأنها اختلقت أمر الطلاق للحصول على مشاهدات في مقطع فيديو استشهدت فيه بالقرآن الكريم قائلة: "أنا بحلف لكم على هذا المصحف إن الأمر ليس للتريند أنا فعلا انفصلت، والموضوع أنا مش محتاجة أعمل تريند علشان أزود مشاهدات بأكد أنا مش محتاجة لده خالص خالص.. فمش فاهمة ليه الناس ممكن تفكر في ده.. النصيب انتهي بيني وبين أبو خالد لحد كدة".
وأكدت على أنها تستعد الفترة الحالية للانتقال للعيش في مكان آخر قائلة: "إن شاء الله قبل السنة الجديدة أكون في مكان تاني وشقة ثانية أنا هنا دلوقتي ضيفة لحد ما أدبر أموري، وانقل لشقة تانية.. واتمنى من الناس مايسألوش عن سبب الانفصال أنا مش هتكلم في أسرار بيتي وكل اللي محتاجاه منكم بس هو إنكم تدعولي دعوة كويسة أنا ست لا احب النكد وأرغب في أن أظل كذلك ابعتوا التعليقات الكويسة الإيجابية".
شاهدي أيضاً: زوج أم خالد يحاول الصلح والبلوجر تفاجئه برد فعلها