أحمد مالك يعلق على تحديات الفنانين وفيروس كورونا: كلامي يميل للضلمة
بهذه الكلمات المؤثرة، عبر الفنان أحمد مالك عن مخاوفه بسبب أزمة انتشار فيروس كورونا المستجد، كوفيد 19، في كل دول العالم، معبراً عن مجموعة من الأمنيات التي يتمنى تحقيقها خلال الفترة المقبلة.
فيديو ذات صلة
This browser does not support the video element.
وكتب أحمد مالك في تغريدة نشرها على موقع تويتر: كنت ناوي أكتب حاجة فيها هزار عن الفلوس والحالة المادية، بس لاحظت إني مش في أزمة قوية زي ناس فعلا حياتها ممكن تكون في خطر بسبب الوضع الحالي. بعدين فكرت في الوضع الحالي.. أنا حاسس إني معنديش حاجة أقولها أو أعملها، ومش قادر حتى أقول لنفسي أعمل إيه.
وأضاف: حاسس إني تايه ومتلخبط بس حاسس إني مش لوحدي وده شعور غريب بشكل حلو، حاسس إني عايز أفضل ساكت وأتفرج، مش عايز أجري، مش عايز آخد كورس أونلاين، مش عايز أعمل أي تحدي، مش عارف عايز أو مفروض أعمل إيه، أنا بعترف إني مش فاهم حاجة.
وعبر مالك عن مخاوفه من الفترة الحالية قائلاً: عارف إن كلامي ممكن يميل للضلمة بس حاسس إن دي مش مشكلة ومش مفروض تخوفني، حاسس إن دي مرحلة نادرة الإنسانية بتعدي بيها وكلنا جزء منها، العالم في حالة صمت، صمت له صوت أنا مستغرب ومستمتع بقوته، أنا معنديش حاجة مضطر أعملها أو أقولها غير إني أتأمل اللحظة دي وألاقي نفسي وسطيها.
وعن توقعاته للفترة المقبلة قال مالك: مش عارف لو العالم هيتغير أو لا بعد اللي بيحصل، بس أكيد هنفهم حاجة جديدة وحتى لو مفهمناش أكيد هنحس، أتمنى الخسارة تكون خفيفة علينا ومتحمس لليوم اللي هنحتفل فيه بمرور كل ده.
شاهدي أيضاً: إعلامي سعودي يفارق الحياة إثر إصابته بفيروس "كورونا"
أفلام أحمد مالك
شارك أحمد مالك في العديد من الأعمال والمسلسلات التليفزيونية منها حتى لا تطفئ الشمس، وزي الشمس، ومسلسل مع سبق الإصرار الذي قامت ببطولته الفنانة غادة عبد الرازق، وكان أول ظهور له في الدراما من خلال مسلسل أحلامنا الحلوة أمام النجم الراحل فاروق الفيشاوي.
كما شارك أحمد مالك في العديد من أفلام السينما منها فيلم الضيف، والجزيرة، واشتباك، والشيخ جاكسون.