أبرز تصريحات محمد منير مع "صاحبة السعادة": أنا أبن الشعب
حل الفنان محمد منير ضيفا على برنامج "صاحبة السعادة" الذي تقدمه الفنانة إسعاد يونس ويعرض عبر dmc.
وخلال الحلقة الأولى من اللقاء تحدث محمد منير عن ذكرياته وبداياته مع الفن وأسرارا من حياته الشخصية نرصدها في السطور الآتية:
محمد منير ينصح الأجيال الجديدة
- وجه منير رسالة للأجيال الجديدة قائلاً:"متستعجلوش المشوار، 42 سنة وقفت ووقعت وقمت تاني، 42 سنة في حياتي عدد قد يبدو كبيرا، لكن ميهمنيش يوم ولا 100 سنة ربنا يديني العمر لحد ما أوصل 150 سنة، أنا والأيام اللي عدت كنا أصدقاء، مفيش بيني وبين الرقم أي مشاكل، أنا بحب كل يوم بيمر في حياتي".
- كان عندي في الأول جمهور 500 واحد نصهم من بيتي ونصهم أصحابي، النهاردة أنا ابن لكل الشعب المصري بحاله، يا ريت الأجيال الجديدة تنتبه، المشوار كان معاناة".
منير يتحدث عن رحلته عن الرحلة من أسوان للقاهرة
- وصلت محطة القطر في رمسيس القاهرة قلت إني هكون مطرب كبير وذا شأن في البلد ده.
-شقيقي الكبير فاروق كان هو من يعطيني مصروفي وكان قدره عشرة قروش في اليوم بواقع ثلاثة جنيهات في الشهر.
منير يتحدث عن رحلته خارج الوطن العربي
- أخويا فاروق اللى خلانى أعبر البحر المتوسط، عبرته مش عشان أهاجر، لا عشان أقول أنا محمد منير عاشق مصر.
- اتعرفت في رحلتي على أصدقائي الشاب خالد ومامي وقادر ورشيد طه وكنا سعداء ببعضنا لأنهم على الأقل يتحدثون عربي مثلي، وأخويا فاروق هو الي كان مترجم ليا في أوروبا.
محمد منير يتحدث عن دراسته
-لما جيت القاهرة أخدت بكالوريوس الفنون التطبيقية فى 3 سنوات، وكان دفعتي فى الجيش علي الحجار وحسين الإمام، واتعرفت على أحمد منيب عن طريق فاروق أخويا، وبدأت نجاحتنا بأغنية "شجر الليمون".
-كان معايا في فرقتي أعظم فرقة وعنصر مهم جدا يحيى خليل وعزيز ناصر ويحيى خليل وزع ألبوم شبابك وألبوم اتكلمى كان بيدرس في مناهج المعهد العالى للموسيقى الكونسلفتوار.
-مصر بالنسبة لي سيد درويش، محمد قنديل، شفيق جلال، أحمد عدوية، وفي الآخر عمرو دياب، ومحمد منير، ده ملخص حب مصر عندي.
محمد منير يتحدث عن عائلته
-أنا لدي 19 حفيد وحفيدة من ابناء أشقائي وشقيقاتي، وكلهم دارسين وحاصلين على مؤهلات عليا.
-آخر الأحفاد بيدرسوا دلوقتى في كندا وببعتلهم فلوس كل فترة، وأنا علمتهم حب الوطن والمشاركة في الانتخابات وينزلوا يقولوا رأيهم؛ لأن مينفعش ميعملوش كده عشان عمهم أو خالهم محمد منير.