قصائد راجح العجمي
راجح سالم العجمي هو شاعر وكاتب وداعية من المملكة العربية السعودية، من مواليد 1950، كتب الكثير من الكتب والقصائد، كما عمل على العديد من الدعوات ويعد من أشهر الدعاة في الوطن العربي والخليجي خاصة، وقد اشتهر ولمع صيته بين مجتمع الشعراء، وبعد صراعات طويلة مع المرض انتقل إلى رحمة الله تعالى عام 2020 عن عمر يناهز السبعين عاماً. [1]
فيديو ذات صلة
This browser does not support the video element.
قصيدة يا أهل العقول
يا اهل العقول الزاكية كـان توحـون
أصـغـوا دقـايـق مـوجـزة واسمـعـونـي
واصحـوا وخلـوكـم مـعـي لا تسـجـون
ولا خـذت بعـض اوقاتكـم فاعذرونـي
كــل الـهــدف لـعـلـكـم تـسـتـفـيـدون
ولـيـا حـصـل مـنـي خـطـا وجـهـونـي
عــن الاخـــرة وأهـوالـهـا لا تغـفـلـون
وانـــا بـعــد مـــن فضـلـكـم ذكـرونــي
البـارحـة لـيـلـي هـواجـيـس وحـــزون
والــنــوم عــيّــا لا يــوالــف عـيـونــي
طرى علي المـوت والمـوت مضمـون
لا اقفـت عـن الدنيـا واهلهـا ضعـونـي
وقامـوا علـي بعـض المحبـيـن يبـكـون
وفــي المغسـلـة مـمـا عـلـي جـردونـي
وقامو على جسمي من الماء يصبـون
ثـــم ودعـونــي عـقــب مـــا كـفـنـونـي
وتـواعــدوا عـلــى الـجـنـازه يـصـلـون
وصفـوا وانـا تـو الامــام اعرضـونـي
ويوم انصرف وانا مسجـى ومركـون
فـارخــوا عـلــي اكتـافـهـم واحـمـلـونـي
ثـم اسرعـوا بـي فـي خطـاهـم يحـثـون
وتـعـالــمــوا بـجـنــازتــي وتـبــعــونــي
الـــى مـنــازل عـالــم مـــا يــدوجــون
مــن يــوم صـادتـهـم يـديــن المـنـونـي
دخلـتـهـا مـحـمـول والـنــاس يـمـشـون
وعـلــى مـشــارف مـنـزلـي نـزلـونـي
ثــم خلخلـونـي لاسـفـل القـبـر بـلـهـون
وارخــوا عـلــي الاربـطــة وادفـنـونـي
واقفوا وانا فـي باطـن الارض مدفـون
الله يـسـامـح كــــل مــــن سـامـحـونـي
وسمـعـت قــرع نعالـهـم يــوم يـقـفـون
و جتـنـي مـلائـكـة الـقـبـر واسـالـونـي
لـو يجتمـع عنـدي مـن النـاس ملـيـون
تــوحــشــوا مـــنــــي ولا ونــســونـــي
وامسيت في قبري بالاعمال مرهون
وحــال الـتـراب وصـفـة الـلبـن دونــي
وتــوافــدوا عــلــى مـحــلــي يــعـــزون
وزارونـي الأصحاب مــا حصلـونـي
العـلـم غـيـر العـلـم لــو كــان يــدرون
لا غـيـرت الأجداث شكـلـي ولـونــي
وأعظم مصيبة لا انكشف كل مكنـون
في موقف ما أحد علـى أحد يومونـي
تكـفـون يــا واعـيـن الألباب تـكـفـون
تـوبـوا قـبـل يـــوم الـنــدم و الغـبـونـي [2]
قصيدة يقولون
يقولون مال العبد بدن عن المقسـوم
وانا اقول صح ويقنع العبد مقسومـه
عسى الله يعين الي توافد عليه هموم
همومن تخلي طبلة الراس منجومه
ترى والله انه مايكدر عليك النــوم
سوى كلمتن من بعض الاصحاب مسمومه
ايلا جات من الغالين ولا الرخوم رخوم
والا امحق من الغالي ايلا شانت علومه
اضعاف الروابع تبتلش والقروم تشوم
ولاهيب لا شامت من الشين مليــومـه
والا الزين من القاع الخلا والوجيه سلوم
ولا رفقتن مع طول الايام ملغومه
والا الذ من عشرت شريفن من اقصى القوم
يبادلك فعل الطيب معناه وسلومه
ولا شفت في جو الصداقه غبش وغيوم
عطيت الدروب الي مع الارض مرسومه
والامثل عز النفس ولومامعك مطعوم
وعن اهل الشماته خل الاسرار مكتومه
معي لوسمحت اشوي عقبن غداك الوم
ابعطيك عن بعض الرياجيل معلــومه
ترا الاش لووقف معك في حياته يوم
تشوف الردا متيبنن فيه من يومـه
وانا اقول لون في وجيه الرخوم أوسوم
كان عرفنا انميز قيمة انذل بوسومــه
علاشان نجلس مع الرجال الوفا ونقوم
ونبعد من الي عند الاجواد مذمومه
وانا اسمع مع اهل التجربه في الحيات علوم
بعضها صحيح وبعض الاخبار موهومه
ويقولون وكر الحر ما تعتليه البوم
وانا شــوف عيني وكم حرن تحت بومه [3]
قصيدة شرب السيجارة
سر يالقلم واكتب ودون
وسجل على الاوراق حلو العبارة
ابيات شعر وافي النظم متقن
من هاجس اللي نظمها عن جدارة
هاذي نصيحة والنصيحة تثمن
وفي ما مضى عند العوارف تجارة
نصيحة للي تورط ودخن
وزينله الشيطان شرب السيجارة
عساة يصحى للنصيحة ويفطن
من قبل تسقط صحتة واعتبارة
وترى السجاير للحشى مايفيدن
عار ونار وسقم حال وخسارة
تتلف علية القلب والكبد والسن
والثوب كن ممرح فيه فارة
الوجه يظلم والشفايا تعفن
ويضيق منة من جلس في جوارة
الوقت في جوفة لقيت كما الشن
والا الخراب اللي تصدع جدارة
واليا خلص ما حصلة زعل وانجن
واليا اخذ خط يضيع مسارة
اخذ العوض فيها من الهيل والبن
كيف الرجال اهل الفخر والنعارة [3]
قصيدة يوصي أبناءه
يا بوك يا سالم تدانت إخطايه
وحسّيت بآثار المرض في قدومي
وأفهم وأعرف إن كلشٍ له نهايه
ما فيه شيءٍ غير ربي يدومي
يوم الشباب وصحّتي في البدايه
من فضل ربي ماتردّت اعزومي
في دبرة الله وأتحرّى سرايه
وأدري مانيب مغادرٍ قبل يومي
وأنا بشر ومعرّضٍ للغوايه
مانيب عن فعل الخطأ بمعصومي
ولا عاد لي في باقي العمر غايه
إلا رضى الرب الغفور الرحومي
أرجوه يرحمني ويغفر خطايه
لاقلّت الحيله وضاعت علومي
وأبغيك تسمع من كلامي وصايه
أفطن لها وأعقد عليها الكمومي
اطلب من الرب الكريم الهدايه
وبلّغ اخوانك بالنصيحه عمومي
الدين الأول بإهتمام وعنايه
ورجلٍ بليّا دين شبه امعدومي
وابنوا لكم في قمّة المجد رايه
وتمسّكوا في طيّبات السلومي
ومن بينكم لاينقلون الوشايه
الحاقدين الحاسدين الرخومي
وترى اختلاف الراي شر وجنايه
ويثلم ويمنع صفكم لايقومي
وترى اتفاق الراي عز وحمايه
وحرزٍ مكينٍ في وجوه الرخومي [5]