وفاة والدة الفنان خالد أبو النجا.. وخالد يودعها بكلمات مؤثرة

توفيت والدة الفنان خالد أبو النجا مساء أمس السبت، وتم دفن السيدة عايدة الشربيني والدة الفنان المصري بمقابر العائلة "آل أبو النجا".

نشر خالد على موقع الصور إنستجرام صورة لمدفن العائلة من الخارج، وكتب خالد معلقاً "إدعولها بالرحمة وأحلي مكان في الجنة والدتي في طريقها للجنة. الله هيرحمها قد حبها لينا وحبنا ليها البقاء للحب".

وكتب خالد أبو النجا كلمات مؤثرة بعد دفن والدته على مدونته الخاصة وقال في مقطع منها:
" أهو أنا هافتكر لحظات كده طول عمري من النهارده..
حسيت إن جدتي ماما بطة كانت موجودة و جدي كمان و ماما رام.. كلهم
و كل ما أقول مش عارف أعمل إيه.. أمسك التابوت من فين وكده.. آلاقيهم حركوني..
لقيت نفسي في وسط كل حاجه وأنا عمري ما عملت كده
و لا أعرف الدفن ده إزاي
لقيتني أنا اللي بافك الكفن بنفسي تحت في القبر
وأنا اللي ظبطتلها رقدتها مع الراجل اللي بيدفن ..
وكلمتها. وبوستها
ووصلتلها بوسة من سلوى اللي ما قدرتش تيجي الدفن
و مسكت كشافات نور نورت نور للبنا عشان يبنوا الحجر
و طلعت فوق للعيلة
و نزلت تاني لماما".

للفقيدة الرحمة ولأهلها وأحباءها الصبر والسلوان.

شاهد المزيد:

رانيا فريد شوقي وناهد السباعي تكشفان بالصور جوانب شخصية في حياة فقيدهما

العثور على جثة المخرج محمد رمضان المفقود من السبت الماضي