والد حلا شيحة ينتقد تصريحات ابنته: كلام ميصحش

انتقد الفنان التشكيلي أحمد شيحة تصريحات ابنته حلا شيحة التي هاجمت فيها صماع فيلم مش أنا وبطله الفنان تامر حسني وهجومها على أهل الفن ووصفه بـ "الباطل".

والد حلا شيحة ينتقد تصريحاتها ضد تامر حسني

وقال والد حلا شيحة إن حديثها يعد غير صحيح ولم يكن من اللائق الحديث بتلك الطريقة مع الفنان تامر حسني وتوجيه الرسالة له عبر مواقع التواصل الاجتماعي.

وتابع في تصريحاته إلى جريدة "اليوم السابع" قائلا: "كلام ما يصحش، وهى صورت الفيلم وكانت معجبة بيه جدا، والكلام ده ما اعرفش أساسه إيه، إنتى صورتى وخلاص.. مش دى حلا اللى أنا أعرفها".

وأوضح أنه كان من الأفضل أن توجه العتاب إلى الفنان تامر حسني عبر الهاتف، مشيراً إلى أنها كانت سعيدة جداً بالفيلم مع بداية تصويره.

وأشار: "كانت عاتبت تامر حسني في التليفون، أنا حضرت أول يوم تصوير وكانت فرحانة جداً، وأقول في النهاية مبروك لتامر، الفيم ناجح جدا وبذل فيه مجهود كبير، وأهنئ جميع العاملين في الفيلم لأنه حقق إيرادات غير مسبوقة.

وأكد أنه غير متفق مع حديث حلا شيحة على الإطلاق منتقداً رسالتها قائلا: "غير موافق على كلام حلا على الإطلاق وما ينفعش الكلام ده، ومش عشان خاطر هى بنتى هطاوعها فى الغلط".

حلا شيحة تعلن توبتها

جدير بالذكر أن الفنانة  حلا شيحة هاجمت النجم تامر حسني، بعد أن شارك الأخير جمهوره كليب من آخر أفلامه، جمع بينهما في مشاهد رومانسية، ونشرت عبر حسابها الشخصي على تطبيق انستقرام، مقطع فيديو قديم لنجم الغناء تحدث فيه عن أنه لا يتمنى الموت وهو مطرب، لتحدث الفنانة المصرية المتزوجة من داعية إسلامي ضجة كبيرة عبر منصات التواصل الاجتماعي.

وقالت حلا شيحة في تعليقها على الأغنية المصورة لتامر حسني، والتي تضمنت مشاهد رومانسية بينهما: "انا اتفاجئت جدا ًبنزول كليب يجمع فيه مشاهد متفرقة من الفيلم و في ايام ذي الحجة ايام مباركة و خصوصاً بعد اخر بوست نزلته و وضحت فيه انا ايه ..و اتفاجئت اكتر خصوصا ًبعد وعد تامر حسني ليا وتأكيده انه حيحترم رغبتي و بعض الطلبات اللي طلبتها منه بكل احترام وود الصيف اللي فات و اكدلي انه حيحترم رغبتي".

وعبرت حلا شيحة عن غضبها الشديد من قيام تامر حسني بالترويج لأحدث أفلامه وكتبت: "احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح انا عارفة و متاكدة ان زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح".

حلا شيحة تهاجم الفن

وقالت حلا شيحة في منشورها على موقع تبادل الصور، انستقرام: "الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فناحنا كلنا عندنا امتحان في الدنيا دي و حابة افكرك بالفيديو ده يا تامر اللي قولت فيه انا مش بتمنى أموت وأنا مطرب انا دايما خايف من كده.. كلام أكيد قولته في لحظة صدق جواك و جوانا كلنا".

تامر حسني يرد على حلا شيحة

وأوضح تامر حسنى عبر حساباته الخاصة بمواقع التواصل الاجتماعي رداً على حلا شيحة كاتباً:" أنا عمري ما وعدتك إن الكليب مش هينزل دا محصلش اصلاً يا حلا مش أنا خالص اللي أوعد وأخلف".

وأضاف حسنى:"الحقيقه اني إحترمت كلامي معاكي ووعدتك أشيل مشاهد تانيه طلبتيها وشيلتها بالفعل وشكرتيني عليها ولو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف أو كلميه يبعتهالك كلها موجوده، وبعدين الفيلم بقاله 3 أسابيع في السينمات، والكليب موجود جوه الفيلم هو بالنسبالك الحرام إننا ننزل الكليب على اليوتيوب بس !! إنما الكليب يتشاف جوه السينمات عادي ؟ منطق غريب فعلاً يا حلا".

وتابع تامر حسنى:"وبعدين هو مش أنتي اللي مضيتي عقد وتقاضيتي عليه مبلغ كبير عشان الدور دا بعينه !!!!! هو مش إنتي اللي صورتيه و مثلتيه بنفسك وبمنتهى الرضا ولاّ حد أجبرك ؟!!!!!! وللتوضيح للجمهور الكريم أنا والمخرجة الأستاذة سارة وفيق بعتنالك وكنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها، ماكنتيش بتردي علينا وتليفوناتك كلها كانت بتقفل في وشنا، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا ولو كان ليكي أي طلب تاني كنت هعمله بكل حب إنما إنتي فجأه أختفيتي ومكملتيش تركيب صوتك في الفيلم ولا جيتي تتصوري عشان آفيش الفيلم أصلًا ومخليتيناش نعرف نعمل آفيش مجمع !!!".

واستكمل تامر حسنى:"بقيتي تقفلي تليفوناتك وتكنسلي علينا كلنا و بعدين أي فيلم بيبقى ليه خطه مسبقه في الدعايه وانتي عارفاها كويس ووافقتي عليها ودا كليب رومانسي يعني معقول كنتي عايزه المنتج يشيل كل مشاهدك اللي صورتيها من الكليب و يطلعني بغني وبقول الكلام الرومانسي دا للأستاذ ماجد الكدواني مثلاً هو دا يُعقل ؟؟!!!!! أنا زعلان منك جداً يا حلا على مفردات البوست بتاعك الغير موفقه و مستحيل هرد بطريقتك اللي فيها تجريح و اتهامات باطله ليا إحتراماً لحجات كتير يمكن فايتاكي بس مش هتفوتني وعلى فكره انا واثق انك عارفه اني مستاهلش منك كدا و هكتفي بالتوضيح دا و ربنا يهدي الجميع و يكتبلك كل الخير اللهم آمين".