ريهام عبد الغفور تروي موقفا مؤلما في طفولتها وسبب فشل زواجها الأول

تحدثت الفنانة المصرية ريهام عبد الغفور لأول مرة عن تعرضها للتحرش في طفولتها وذلك خلال استضافتها في برنامج Abtalks مع الإعلامي أنس بوخش.

ووصفت ريهام عبد الغفور حادثة التحرش بها ب(تحرش خفيف) حيث قالت : "وأنا صغيرة تعرضت لحاجة من حد مكنش متوقع خالص، مش هقول تحرش أو كده، حاجة في الاتجاه ده، كانت حاجة صادمة بالنسب إلى، لأن هو كان راجل يكاد يكون أقد جدي، مش أقد أبويا، وبالنسبة لأهلي شخص موثوق فيه"

ريهام عبدالغفور وحادثة التحرش بها

وتابعت ريهام "دي قصة أنا تخطيتها السنة دي، وحكيت لجوزي لأول مرة والبيست فريند بتاعي وبس، ومحكتش لأي حد تاني".

وأضافت "ابني يوسف الكبير، عارف برضه، بس مش بتفاصيل، دايما يوسف بيقولي أنت حاجتك الشخصية، الحاجات اللي تعرضتيلها، خلتك بقيت معانا حريصة زيادة، هو دلوقتي 21 سنه، زمان كان بيتخنق مني، بس هو دلوقتي حاسس إن اللي حصل ده حماه".

واستكملت ريهام  "أنا بتكلم في النقطة دي، لأن قعدت 40 سنة أو حاجة وثلاثين سنة، شايلة، فجأة قررت أتكلم فيها مع جوزي، فالحمد لله خفيت منها عشان كده بحكيها، وكنت وقتها 6 أو 7 سنين، وتعرفت على إحساس الشماتة وأنا في السن ده، لما تقال إن الشخص ده مات فرحت، مش الطبيعي أن طفلاً في السن يفرح أن حد يموت، وكانت أول وآخر مرة في حياتي أحس بالشماتة دي، لان هو كان شخصاً غليظاً وكبيراً أذاني، وأنا كنت جبانة أكتر من إني أحكي، كنت لما بشوفه بنزل استخبى تحت السفرة، ومش عارفة أقول اللي حصل"

ومن جانبها أوضحت عبد الغفور أن حادثة التحرش  جاءت من شخص موثوق فيه حيث قالت : "هو كان تحرش على خفيف كده، الموضوع مش في عمق الموضوع، قد ما هو الصدمة في الشخص، أقد لما يكون عندك حد سنه كبير، مش عيل صغير مش شاب، حد كبير أوي، ويعمل كده في الأمان، ويخضك خضة، وأنا قعدت سنين مش بتكلم فيه مع نفسي، لأنه مرعب بالنسبة إلى".

زيجات ريهام عبد الغفور

وذكرت ريهام عبد الغفور أثناء اللقاء أنه بسبب تربيتها ونشأتها كانت منغلقة للغاية وهو الأمر الذي جعلها تخفي عن زوجها ما حدث لها في طفولتها حيث أنها اعتقدت أنه آخر شخص يجب أن يعلم بتلك القصة.

وعن فشل زواجها الأول أوضحت ريهام عبد الغفور بأنها كانت تعامل زوجها كالعدو وأنه ليس سبباً في فشل زواجهما إنما كان السبب هو صغر سنها  وسن زوجها بالإضافة إلى كثرة المسؤوليات عليها وعلى زوجها.