رد قوي من ريهام أيمن على مطالباتها صورة واضحة لابنها

ردت الفنانة المعتزلة ريهام أيمن على مطالب جمهورها بنشر صورة واضحة لابنها يظهر بها وجهه.

فريهام حريصة عندما تنشر صور لابنها الوحيد من الفنان شريف رمزي ألا يظهر وجهه خلالها، وهو ما دفع الجمهور أن يطالبها أكثر من مرة لنشر صورة واضحة له.

ونشرت ريهام أيمن صورة ظهرت فيها مع زوجها شريف رمزي وابنهما الوحيد، ولم يظهر وجه الطفل، وعلقت ريها على الصور بتعليق قوي حيث قالت  "هو أنا بطلب أشوف ولاد أي حد فيكو أو ولاد أي مشاهير حتي أكيد لأ عشان مش من حقي، لما تحب فنان انت بتحبه هو لفنه و أعماله اللي بتشوفها و لما تحب تشوف صور هتبقي ليه هو مش لولاده أنا ابني مش فنان ولا مشهور عشان تحبو تشوفو صور ليه علي صفحتي أنا.. لما يكبر و هو ياخد قرار انه عايز يبقي مشهور هتشوفو صور ليه علي صفحته الشخصية إن شاء الله، لكن أنا مبخفش من الحسد و مفيش حد هيحسد فنان بيحبه بالعكس هيفرحله و يتمناله الخير هو و ولاده و ده اللي انا متأكده منه، ياريت و أنت بتكتب تعليق لأي فنان حط نفسك مكانه الأول هتلاقي إن أنت نفسك متقبلش حد يقولك تعمل إيه و متعملش إيه في حياتك الشخصية بمعني أدق الغير فنية و إن ده الأكاونت بتاعك أنت تنزل اللي أنت عاوزه طالما مش بتضر حد و اللي مش عجبه حاجة أو مستفز من شئ بسيطة بس يعمل unfollow أسهل من إنه يكتب تعليق، ربنا يخليلكو ولادكو اللي أكيد كلهم حلوين أوى و يحفظهم لكم دايماً من كل شر و يشفي كل الأطفال المرضي و يعين أهاليهم أمين يا رب....مع حبي و إحترامي للجميع".