بشرى لـ"ليالينا" من الجونة: الرجالة غيرتهم أوحش من الستات

كان لنا لقاء مع "واجة مهرجان الجونة" الفنانة بشرى، التي تحدثت أنها واحدة من مؤسسي مهرجان الجونة وهذا يُفسر ارتباط اسم المهرجان بها، ووصفت بشرى المهرجان بـ"ابنها" قائلة:" هيفضل ابني لأن مفيش أم بتتخلى عن ابنها".

وبسؤالها عن شعورها بعد أن ظن البعض أن بشرى الفنانة تحولت لموظفة إدارية "مديرة مهرجان الجونة"، فقالت:"أنا مبزعلش إنهم بينسوا، أنا بزعل من اللي بيتانسوا تفرق كتير، اللي بينسى جل من لا يسهو، اللي مصر يتناسى عشان غل جواني، عشان منافسة".

وتابعت:" بس أنا اكتشفت إن مش الستات بس اللي تغير الرجالة طلعت غيرتهم أوحش كتير من الستات، فيعملوا نفسهم مش واخدهم بالهممني كممثلة ومغنية عشان أنا إدارية، ويطلعوا إشاعات عليا إني بطلت فن، أناالمشكلة إني مش لاقية عمل يعجبني ومش هعمل حاجة إلا إذا كانت تستاهل".

إطلالة الافتتاح

وعن الانتقادات التي طالت إطلالتها بحفل افتتاح الدورة الرابعة للمهرجان قالت:" الفستان كان عاجبني جدا وفيه ناس كتير حبيته، التصميم ملكي وكنت حابة أكون أميرة من كوكب تاني، لأن الحاضر أليم جدا والسنة صعبة أوي والواحد كان عايز يطلع بره الواقع ويروح في الخيال شويه". 

بشرى المغنية 

وعن تواجدها في الساحة الغنائية قالت ممازحة:" صوتي مبحوح دلوقتي"، وأضافت:" عملت أغاني كتير عندي في الدرج منزلتهاش وحالياً مبقتش ألاقي حاجة تبهرني زي تبات ونبات أول ما سمعتها".
وتابعت :"حاولت مع عسيلي كذا مرة بس هو مشغول بنفسه ومش عارفين نقعد عشان نلاقي أغنية هو فيه حاجة في ألحان عسيلي بتليق على صوتي وبتنجحها أوي وأتمنى نلاقي الفرصة دي قريب".
وعن صداقتها مع عسيلي قالت:" كنا مع بعض في المدرسة وكنا بنعمل حفلات المدرسة مع بعض، عسيلي طول عمره بألف أغاني وإحنا بنغنيها معاه في المدرسة".