بسمة وهبة تفاجئ متابعيها بتصريح غريب قبل خضوعها لعملية جراحية

نشرت الإعلامية المصرية بسمة وهبة مقطع فيديو لها عبر صفحتها الشخصية على موقع التواصل الاجتماعي الانستجرام، وكان من خلال غرفة العمليات بسبب خضوعها لعملية جراحية. 

وتحدثت بسمة وهبة وهي تحت تأثير البنج والذي كان سبباً في صعوبة  التحدث وقالت من خلال مقطع الفيديو: «الواحد بيبقى عامل زى الخروف، خروف داخل يذبح والله، يا رب يا كريم، يا رب يرحمك يا وفاء».

بسمة وهبة تهاجم صديقتها

ومن ناحية أخرى قامت بسمة وهبة بنشر منشور عبر صفحتها الشخصية على موقع التواصل الاجتماعى الانستجرام وقالت: «واحدة معرفة اتصلت بيا ومردتش عليها راحت بعتالى رسالة بتعاتبني فقلت لها معلش مش قادرة أتكلم لما أقدر اكلمك، راحت ردت عليه قالت لى اه ما انتى مشغولة صحيح كل يوم في بلد تتفسحي".

وأضافت: فعاوزه اقولها هي واللي زيها، إن أي صورة على السوشيال ميديا حلوة، وراها أوقات وحشة وأى صورة فيها سعادة، ورآها أوقات تعاسة وألم، صحيح ممكن أكون مسافرة بس بعمل عملية، ممكن أكون مسافرة وفى عملية وفى البنج وحزينة».

بسمة وهبة حزينة على رحيل وفاء بن خليفة

واكملت بسمة وهبة وهي متأثرة على رحيل الإعلامية السعودية وفاء بن خليفة بعد صراع مع المرض، وقالت: لأن صاحبتى ماتت قبلها بيومين حتى وأنا في البنج وتعبانة حزينة عليها وبدعيلها، وممكن أكون مسافرة اتعالج مش اتفسح، بس بما إني مسافرة لو معندكيش مانع أخرج قبل العملية و أتمشى في الشارع بعد العملية لو ما يضايقك إيش يعنى، أحب أقولك أنت واللي زيك ربنا ما يحكم عليكي يا بنتى باللي في الواحد، واحمدى ربنا إنك مش مضطرة تسافرى عشان تلاقى حل لمرض نادر، من فضلكم ارحمونا وسيبونا في حالنا وبلاش حسد، أنا صاحبتى وفاء ماتت من الحسد".

يذكر أن خبر وفاتها كان صدمة لبسمة وهبة والتي كانت تعتبر وفاء من اعز اصدقائها ونقلت وهبة للمستشفى بعد سماع هذا الخبر 

وعلى صعيد آخر أثارت الإعلامية المصرية بسمة وهبة بسبب خبر اعتزالها المجال الإعلامي، حيث ظهرت برفقة ابنها في مقطع فيديو قامت بنشره على موقع انستجرام حيث ردت على أحد المتابعين حين سألها عن موعد اعتزالها لترد قائلة: "هعتزل، بس مش بكرة كدة على طول، أكيد محتاجة وقفة عشان أرتب نفسي.. أنا بصراحة تعبت".

وتابعت بسمة وهبه: "محتاجة أقعد جنب حبايبي بابا وماما وحشوني أنا تعبت بس محتاجة أرتب أوراقي لكن هعتزل قريب".