المخرج محمد العدل يهاجم حلا شيحة: ياريت لما تطلقي مترجعيش تمثلي

وجه المخرج الشاب محمد العدل، رسالة للفنانة حلا شيحة بعد إعلان توبتها ومهاجمتها للفنان تامر حسني بسبب فيلم "مش أنا".

رسالة قوية من العدل لحلا شيحة

وكتب محمد العدل عبر حسابه الرسمي بموقع "فيسبوك":"ياريت بس لما تطلقي ماترجعيش تقولي عايزة أمثل تاني يا أستاذة حلا".

وتفاعل الجمهور مع منشور المخرج الشاب، وجاءت التعليقات على النحو التالي: "هتقول طبعا"، و"صدقت والله"، و"إنت جبت الخلاصة"، و"مفيش مبدأ"، و"متناقضة مع نفسها"، وغيرها من التعليقات.

حلا شيحة تعلن توبتها

جدير بالذكر أنه هاجمت الفنانة حلا شيحة، النجم تامر حسني، بعد أن شارك الأخير جمهوره كليب من آخر أفلامه، جمع بينهما في مشاهد رومانسية، ونشرت عبر حسابها الشخصي على تطبيق انستقرام، مقطع فيديو قديم لنجم الغناء تحدث فيه عن أنه لا يتمنى الموت وهو مطرب، لتحدث الفنانة المصرية المتزوجة من داعية إسلامي ضجة كبيرة عبر منصات التواصل الاجتماعي.

وقالت حلا شيحة في تعليقها على الأغنية المصورة لتامر حسني، والتي تضمنت مشاهد رومانسية بينهما: "انا اتفاجئت جدا ًبنزول كليب يجمع فيه مشاهد متفرقة من الفيلم و في ايام ذي الحجة ايام مباركة و خصوصاً بعد اخر بوست نزلته و وضحت فيه انا ايه ..و اتفاجئت اكتر خصوصا ًبعد وعد تامر حسني ليا وتأكيده انه حيحترم رغبتي و بعض الطلبات اللي طلبتها منه بكل احترام وود الصيف اللي فات و اكدلي انه حيحترم رغبتي".

حلا شيحة وتامر حسني

وعبرت حلا شيحة عن غضبها الشديد من قيام تامر حسني بالترويج لأحدث أفلامه وكتبت: "احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح انا عارفة و متاكدة ان زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح".
وأضافت: "بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل و بننسى .. انا مش حتكسف من حد انا تبت من المشاهد دي و هي لا تصح و انا غلطت و بصلح و اهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا".

حلا شيحة تهاجم الفن

وقالت حلا شيحة في منشورها على موقع تبادل الصور، انستقرام: "الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فناحنا كلنا عندنا امتحان في الدنيا دي و حابة افكرك بالفيديو ده يا تامر اللي قولت فيه انا مش بتمنى أموت وأنا مطرب انا دايما خايف من كده.. كلام أكيد قولته في لحظة صدق جواك و جوانا كلنا".

حلا شيحة تذكر تامر حسني برغبته في التوبة

لم يتوقف هجوم حلا شيحة على تامر حسني عند مجرد التعبير عن غضبها واتهامه بعدم الالتزام معها ونشر فيديو يتضمن لقطات رومانسية في فيلمهما الأخير، مش انا، وإنما نشرت له مقطع فيديو من لقاء تليفزيوني قديم له مع الإعلامية إنجي علي، رد فيه نجم الغناء على سؤال حول أمنية يتمناها قائلاً: "الحقيقة اللي أنا بتمناه إني ما موتش مطرب".

 وأعادت حلا شيحة نشر مقطع الفيديو وعلقت بكلمات: " انا و كلنا كلنا بنغلط بس المهم في الاخر نتدارك الغلط و نصلح .{إِلَّا مَن تَابَ وَءَامَنَ وَعَمِلَ عَمَلࣰا صَـٰلِحࣰا فَأُو۟لَـٰۤىِٕكَ یُبَدِّلُ ٱللَّهُ سَیِّـَٔاتِهِمۡ حَسَنَـٰتࣲۗ وَكَانَ ٱللَّهُ غَفُورࣰا رَّحِیمࣰا}.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد"

حلا شيحة تستفز الجمهور

كلمات حلا شيحة أحدثت ضجة واسعة على منصات التواصل الاجتماعي واستفزت متابعيها، اللذين عبروا عن اندهاشهم من رغبتها في أن تفرض قراراتها على المحيطين بها وفق نمط حياتها، حيث كتب أحد المتابعين في تعليقه على هجوم حلا شيحة على تامر حسني: "علي فكرة انتي متناقضة جدا انتي مش هتجبري اللي حواليكي يعمل ايه ومعلش مش معني التوقيت ده بالذات وقت انا الفيلم ناجح ولا عشان تامر مجبش سيرتك مع عمرو اديب مش فاهمة وجهه النظر عملتي حاجة وندمتي عليها توبي لربنا وهو هيغفرلك واتبري من اللي عملتية لكن ده تصرف غريب اوي".