إياد نصار يرد على الهجوم عليه بعد حديثه عن التحرش الجنسي

هاجم الفنان الأردني، إياد نصار، نجم المسلسل الرمضاني ليالينا 80، ظاهرة التحرش الجنسي،  من خلال حسابه الشخصي على موقع التواصل الاجتماعي فيسبوك، وهو ما عرضه لهجوم من بعض متابعيه، ليرد نصار على منتقديه بتعليق ساخر.

وقال إياد نصار في منشور له: "لما اتكلمت عن التحرش..دخل عليه كمية ناس غريبه تشتمني..هما مش ناس..هما عباره عن smtt3003 او mhm3304,fttm655... الي هو انا مش فاهم دول بني ادميين ولا موبايلات نوكيا قديمه!! وكله بيشتم بنفس الطريقه... وانا عايز اسأل سؤال واحد بس..إنت روبوت؟".

إياد نصار يعلق على التحرش

وبعد أزمة المتحرش الشهير، المتهم في اغتصاب ما يزيد عن 100 فتاة، وظهور الكثير من حملات مواجهة التحرش، كتب الفنان الأردني، نجم مسلسل ليالينا 80، في صفحته: "بقترح ان التحرش يخرج من منطقة الجناية ويعامل معاملة الامراض النفسية الخطيرة التي تستدعي يتحط المتحرش في مستشفى الامراض العقلية ويخضع لعلاج شديد...شديد جدا...(اصله ده انسان مش فاهم ان العلاقه بتحصل بموافقة الطرفين ...ده شخص عنده خلل في دماغه )...فالاهل ممكن تقبل ان ابنها يكون متحرش وخارج من السجن..(شب وطايش-مع ابتسامه غبيه).... بس مش حتقبل يكون مريض نفسي وبيتعالج..بكده كل واحد حيعرف يربي ابنه انه مايطلعش مجنون"

كان آخر منشور نشره إياد نصار في حسابه الشخصي هاجم فيه التدخل في شئون الآخرين، وقال نجم مسلسل ليالينا: "بس تخيل لو انت قعدت يوم او خليني ابالغ واقول تلات ايام ماغسلتش سنانك...اي حد حتتكلم معاه حيعرف ان ريحة بوقك وحشه ..بس تخيل ان مناخيرك الي هي اقرب من اي حد لبوقك مش حتقولك ده...مناخيرك الي حاشره نفسها في عيوب غيرك مش حتقولك على عيوبك..عشان دماغنا مكسل ينتقد نفسه والاسهل ينتقد غيره...الاسهل تحاكم وتحكم وتتحكم وتنتقد غيرك...وحتفضل مناخيرك مش شامه عيوبك...لان نقد الذات محتاج تصالح مع الذات..محتاج هدوء ..محتاج تشيل مناخيرك من حياة غيرك وتبص لنفسك..تصلح عيوبك..ومالكش دعوه بعيوب غيرك..ماتشتغلش مكان مناخير حد ...لو قدرت تعمل كده...حتفهم انت ليه موجود وايه دورك وهدفك...وحتبقى انسان افضل..وريحة بوقك حلوه..وحتنجح"